Shtetet e Bashkuara të Amerikës po shqyrtojnë mundësinë e një sulmi ndaj Iranit brenda disa ditësh, ndonëse ende ekziston mundësia e një marrëveshjeje të papritur. Sipas BBC, presidenti Donald Trump ka përgatitur një listë me shtatë skenarë për veprimet e mundshme.
Skenari i parë parashikon sulme të kufizuara nga forcat ajrore dhe detare amerikane ndaj bazave ushtarake të Gardës Revolucionare të Iranit, duke shpresuar në rrëzimin e regjimit dhe një kalim në demokraci. Skenari i dytë, përkatësisht “modeli venezuelas,” ka në fokus mbijetesën e regjimit me politika më të moderuara, por duket më pak i realizueshëm.
Skenari i tretë sugjeron se regjimi mund të bie dhe të zëvendësohet nga një qeveri ushtarake, e udhëhequr nga figura të Gardës Revolucionare, duke u konsideruar si opsioni më real. Në skenarin katër, Irani mund të hakmerret përmes sulmeve ndaj forcave amerikane dhe fqinjëve, duke shfrytëzuar armatimin e tij, ndonëse është e qartë se nuk mund të përballë drejtpërdrejt SHBA-në.
Skenari i pesë përfshin vendosjen e minave në Gjirin Persik, një kërcënim që ekziston që nga lufta Iran-Irak. Ndërsa skenari i gjashtë parashikon mundësinë e fundosjes së një luftanije amerikane nga Iran, duke e bërë çështjen më të komplikuar për Marinën amerikane. Skenari i fundit tregon një rënie të regjimit që çon në kaos, një zhvillim që mund të shkaktojë krizë humanitare dhe fluks të refugjatëve në një shtet me 93 milionë banorë.
Shtatë skenarët tregojnë se situata është komplekse dhe se çdo veprim do të ketë pasoja të rëndësishme për Iranin, rajonin dhe politikën globale.
