Protestat e shoferëve të kamionëve në Ballkanin Perëndimor vazhdojnë për të tretën ditë, me bllokada në pika kufitare që kanë shkaktuar kolona të gjata dhe ndërprerje në qarkullimin tregtar. Këto bllokada po ndodhin në Bosnje e Hercegovinë, Mal të Zi, Maqedoninë e Veriut dhe Serbi, duke prekur rëndë tregtinë dhe ekonomet e këtyre vendeve. Në pikëkalimin Bajakovo, ndanë Serbisë dhe Kroacisë, ka arritur deri në dy kilometra kolona kamionësh, sipas informacionit nga policia kufitare kroate.
Shoqatat e spedicionit protestojnë kundër sistemit të ri digjital të hyrje-daljeve të BE-së (Entry/Exit System – EES), i cili regjistron digitalisht hyrjet dhe daljet e qytetarëve nga vendet jashtë BE-së, duke përfshirë të dhëna biometrike. Ky sistem ka shkaktuar shumë arrestime të shoferëve për shkelje të rregullit të qëndrimit në territorin e BE-së. Në këtë kontekst, Serbia është shprehur se ekonomitë e Ballkanit Perëndimor po humbasin rreth 100 milionë euro çdo ditë nga eksportet për shkak të këtyre bllokadave.
Organizatorët e protestave kërkojnë negociata me BE-në për të arritur rregulla përjashtuese për shoferët profesionistë si kusht për heqjen e bllokadave. Kjo situatë ka pasur ndikim të menjëhershëm edhe për importet dhe eksportet e Kosovës, me disa biznese të cilat përballen me vonesa dhe dëme financiare. Ekspertët shprehen se ka rrezik për rritjen e çmimeve dhe theksojnë nevojën për politika mbrojtëse dhe stimuj për prodhuesit vendorë.
Ndërkohë, Komisioni Evropian ka njoftuar se po monitoron situatën dhe është i vetëdijshëm për shqetësimet e shfaqura. BE-ja mbetet partneri kryesor tregtar për Ballkanin Perëndimor, duke përfaqësuar rreth 60 për qind të volumit total tregtar, me shkëmbime të arritura në mbi 83 miliardë euro për vitin 2024.
