Revista “Buletini i Shkencëtarëve Bërthamorë” ka vendosur simbolikisht “Orën e Qametit” në 85 sekonda para mesnatës, një moment që tregon se njerëzimi është më afër “fundit” se kurrë më parë. Ky vendim reflekton një nivel të lartë rreziku ekzistencial, sipas Euroneës, dhe është i bazuar në disa faktorë kyç. Mes tyre janë tensionet bërthamore në rritje mes fuqive të mëdha, përkeqësimi i krizës klimatike dhe rreziku nga teknologjitë moderne, si inteligjenca artificiale dhe bioteknologjia.
Deklarata zyrtare e organizatës thekson se bashkëpunimi ndërkombëtar është duke u zvogëluar, ndërsa konkurrenca dhe nacionalizmi po rrisin rrezikun e konflikteve dhe katastrofave globale. “Ora e Apokalipsit” nuk është një matës fizik, por një simbol paralajmërues që synon të zgjojë vëmendjen e opinionit publik dhe të inkurajojë veprime emergjente për të parandaluar kërcënime të mëdha ndaj njerëzimit.
Ekspertët bëjnë thirrje për një bashkëpunim më të fortë global dhe hapa konkretë, përndryshe rreziku i një krize katastrofike do të vazhdojë të rritet vit pas viti.
