Një stuhi e fuqishme ka hitur disa zona të Shteteve të Bashkuara, duke shkaktuar 17 viktima dhe duke lënë qindra mijëra njerëz pa energji elektrike. Viktimat raportohen në shtete të ndryshme, përfshirë Nju Jork, Tenesi, Luiziana, Masaçusets, Kansas, Pensilvani dhe Teksas, mes tyre një 16-vjeçare.
Më shumë se 10,000 fluturime janë anuluar për shkak të kushteve të motit, ndërsa shkollat dhe rrugët janë mbyllur në mbarë vendin. Reshjet e dendur të borës gjatë fundjavës kanë shkaktuar probleme të mëdha në transport dhe shërbime, veçanërisht në zonat qendrore dhe lindore të SHBA-së.
Sipas parashikimeve, bora pritet të pakësohet gjatë ditës së sotme, megjithatë temperaturat tepër të ulëta do të vazhdojnë të prekin këto zona. Paralajmërimet nga Shërbimi Kombëtar i Motit (NWS) shtrihen nga Teksasi në jug deri në Anglinë e Re në verilindje.
Stuhia ka pasur gjithashtu ndikim në Kanada; në Toronto, Aeroporti Pearson raportoi reshje rekord dëbore, duke shkaktuar vonesa dhe anulime të fluturimeve.
Autoritetet i bëjnë thirrje qytetarëve të tregojnë kujdes dhe të ndjekin udhëzimet e emergjencës, pasi kushtet e motit mbeten të vështira.
