Ministri i Mbrojtjes, Pirro Vengu, njoftoi se 50% e zërave të buxhetit të vitit aktual janë dedikuar për investime në armatim. Këto përfshijnë blerjen e armëve moderne, si raketat Javelin dhe dronë, nga partnerët britanikë dhe amerikanë. Shtoi se do të bëhen blerje nga Izraeli për armë të lëvizshme, topa dhe mortaja, si dhe mjete të tjera ushtarake. KOMPANIA KAYO po bashkëpunon me partnerët izraelitë për të rinovuar prodhimin e armatimeve në Shqipëri.
Në kontekstin e tensioneve ndërkombëtare mes Shteteve të Bashkuara, Bashkimit Europian dhe NATO-s, Vengu theksoi pozicionin e Shqipërisë, duke deklaruar se vendi nuk është mes këtyre dy forcave, por brenda tyre. Ai u përgjigj gjithashtu për shqetësimet e Beogradit lidhur me marrëveshjen trepalëshe të bashkëpunimit në fushën e mbrojtjes, duke shprehur se Serbia është ftuar të bashkohet, por ka refuzuar.
Ministri përmendi gjithashtu marrëveshjen e vitit 1992 me Turqinë për bazën e Pashalimanit, duke konfirmuar se Shqipëria do t’i qëndrojë kësaj marrëveshjeje. Këto nisma, sipas Vengut, janë pjesë e strategjisë për të forcuar mbrojtjen e vendit dhe për të kontribuar në stabilitetin e rajonit.
