Pas kritikave që Presidenti i SHBA-së, Donald Trump, bëri për pozitat e trupave të NATO-s në Afganistan, Shtëpia e Bardhë nxori një përgjigje mbështetëse. Në deklaratë theksohet se “Presidenti Trump ka të drejtë” në lidhje me kontributin e Shteteve të Bashkuara në NATO, duke e klasifikuar atë si më të madh se ai i vendeve të tjera. Shtetet e Bashkuara përbëjnë rreth 62% të shpenzimeve totale ushtarake të aleancës në vitin 2025, sipas të dhënave nga BBC.
Trump ka bërë thirrje për rritjen e shpenzimeve të mbrojtjes nga anëtarët e tjerë të NATO-s, të cilët janë angazhuar që deri në vitin 2035 të arrijnë një nivel prej 5% të PBB-së së tyre. Megjithatë, deri në këtë moment, asnjë anëtar, përfshirë SHBA-në, nuk e ka arritur këtë nivel. Polonia renditet më e larta në shpenzimet për mbrojtje, duke pritur të shpenzojë pak më pak se 4.5% të PBB-së në vitin 2025, ndërsa SHBA do të shpenzojë rreth 3.22%.
