Rezart Hyskollari, 38 vjeç, është arrestuar nga forcat e Posaçme Operacionale, bashkë me specialistët e Seksionit për Hetimin e Trafiqeve, gjatë një operacioni të koduar “Dënimi” në zonën e Liqenit të Thatë. Hyskollari, i shpallur në kërkim, u kap pas një operacioni të shpejtë dhe të koordinuar, i cili u bazua në informacione të siguruara në rrugë operative për vendndodhjen e tij.
Në vitin 2019, Gjykata e Durrësit e dënoi atë me 7 vjet e 6 muaj burgim për veprën penale të “Shfrytëzimit të prostitucionit”, duke i mbetur edhe 5 vjet burgim për të vuajtur. Pas arrestimit të tij, materialet procedurale iu referuan Prokurorisë së Tiranës për hetime të mëtejshme dhe veprime të tjera ligjore.
