Finlanda, Danimarka dhe Suedia nuk kanë pasur besim ndaj “flotës në hije” ruse, dhe Gjermania ka qenë e ngurruar, por situata ka ndryshuar. Anija cisternë “Tavian” u kap në ujërat gjermane të Detit të Veriut më 10 janar. Ajo konsiderohet një “anije zombi”, që funksionon nën një flamur të rremë. Policisë gjermane iu dha urdhri të kontrollonte dokumentacionin e anijes, që po lundronte drejt porteve ruse të naftës.
Policia parandaloi kalimin e “Tavian” për në ujërat territoriale gjermane pranë Flensburgut, kur u konfirmua se anija kishte numra identifikimi të falsifikuar dhe ishte në listën e sanksioneve amerikane që nga viti 2021. Kjo rasë shënon një pikë kthese në veprimin e autoriteteve gjermane ndaj flotës ruse që anashkalon sanksionet, e cila përbëhet nga rreth 500 cisterna të vjetra që ndihmojnë Rusinë në transportimin e naftës.
Disa nga këto anije kanë qenë të lidhura me raste spiunazhi dhe sabotimi. Vendet perëndimore kanë besuar se anijet ruse mund të kalojnë pa probleme nëpër ujërat territoriale sipas Konventës së OKB-së mbi Ligjin e Detit. Por ekspertët theksojnë se anijet pa flamur të vërtetë ose që lundrojnë nën flamuj të rremë nuk mund të kalojnë.
Kryetarët e komisioneve parlamentare dhe eurodeputetët e Gjelbër kërkojnë një qasje më të ashpër ndaj flotës në hije, duke theksuar se kalimi paqësor nuk është i vlefshëm për anijet që paraqesin rrezik. Rasti i “Tavian” ka nxitur veprime të ngjashme, si ndalimi i anijes kërkimore “Akademik Boris Petrov” në ujërat gjermane.
Një tjetër incident ndodhi me cisternën “Chariot Tide”, e cila u kap në det për probleme teknike dhe kishte gjithashtu një flamur të rremë. Autoritetet reaguaran ashpër, duke dërguar forca detare për ta kontrolluar anijen. Ndryshimi në interpretimin ligjor dhe vendosja e sanksioneve është një përgjigje ndaj rritjes së aktiviteteve ruse në ujërat perëndimore, ku Rusia tashmë nuk ka anije luftarake në mbështetje të flotës së saj të hijeve.
