Rreth orës 10:00 të ditës së mërkurë, Ivanka Trump, vajza e presidentit të Shteteve të Bashkuara, Donald Trump, ka mbërritur në qytetin e Vlorës. Ajo ishte e shoqëruar nga forca të shumta policie dhe kishte një eskortë të madhe gjatë hyrjes së saj në qytet.
Pas mbërritjes, eskorta e Ivanka Trump kaloi në rrugën Transballkanike dhe vazhdoi përgjatë Lungomares, përpara se të drejtohej në zonën e Ujit të Ftohtë, ku u akomodua në një hotel lokal. Ajo qëndroi rreth gjashtë minuta në ambientet e hotelit përpara se të largohej për në Novoselë, pranë Hidrovorit, dhe më pas vazhdoi drejt Zvërnecit. Itinerari i saj përfshinte gjithashtu edhe zonën bregdetare të Porto Novo.
Ende nuk ka informacione të mëtejshme mbi axhendën e saj për ditën e sotme apo për ditën e nesërme, pasi përfaqësuesit e saj nuk e kanë bërë publike këtë informacion. Aktualisht, Ivanka Trump raportohet se ndodhet ende në këtë zonë.
