Kombëtarja shqiptare U-21 do të luajë një ndeshje miqësore ndaj Japonisë U-21 më 27 mars 2026. Marrëveshja është arritur mes Federatës Shqiptare të Futbollit dhe Federatës Japoneze të Futbollit, dhe ndeshja do të zhvillohet në Antalia, Turqi. Detajet për orarin dhe stadiumin e takimit do të bëhen të ditura në ditët në vijim.
FSHF po bënë përpjekje për të siguruar një tjetër ndeshje miqësore për Kombëtaren U-21 gjatë muajit mars. Kjo është pjesë e një strategjie më të gjerë përgatitore, duke pasur parasysh se Shqipëria është kualifikuar automatikisht për Kampionatin Europian U-21 2027 si një nga vendet organizatore. Gjatë kësaj periudhe, Kombëtarja U-21 do të zhvillojë vetëm ndeshje miqësore.
Këto miqësore janë të rëndësishme për trajnerin Alban Bushi dhe stafin e tij teknik, pasi ato ofrojnë një mundësi për të vlerësuar gjendjen e lojtarëve, për të konsoliduar grupin dhe për të testuar elementë të rinj përpara kompeticionit europian. Afrohet një mundësi për të eksperimentuar dhe për të siguruar që skuadra të jetë në formën më të mirë për turneun e ardhshëm.
