Arsenali ka vazhduar serinë e tij të sukseshme në Ligën e Kampioneve me një fitore përballë Interit në San Siro, duke e mposhtur me rezultatin 3-1. Kjo është humbja e tretë radhazi për zikaltrit në këtë fazë, që tani kanë grumbulluar vetëm 12 pikë.
Braziliani Gabriel Jesus ishte protagonisti i ndeshjes, duke shënuar dy gola. Ai hapi rezultatin në minutën e 10 me një gjuajtje të devijuar nga Timber. Pas një replike nga Interi, që barazoi me golin e Susic, Arsenal rimori avantazhin në minutën e 31, sërish me Jesusin, i cili shënoi me kokë pas një goditje këndi.
Pjesa e dytë solli më shumë mundësi për Arsenal, që gjeti golin e tretë në minutën e 84, kur Gyokeres shfrytëzoi një kundërsulm për të siguruar fitoren 3-1. Me këtë rezultat, Arsenali forcon vendin e tij të parë në klasifikim me 21 pikë, ndërsa Interi vazhdon të ketë 12 pikë, duke u larguar nga zona e kualifikimit për në 1/8 e finaleve.
Interi do ta mbyllë Fazën e Ligës së Kampioneve me një ndeshje ndaj Borussia Dortmund, pas humbjes së fundit 2-0 përballë Tottenham.
