Egnatia ka njoftuar transferimin e Edison Ndrecës te Yelimai Semey FC, një klub i Ligës Premier të Kazakistanit. Pas disa sezoneve të suksesshme me Egnatian, ku ai arriti të fitojë dy tituj kampion dhe një Kupë të Shqipërisë, Ndreca do të fillojë një kapitull të ri në karrierën e tij futbollistike.
Klubi nga Rrogozhina ka shprehur kënaqësinë për këtë transferim, duke e cilësuar si një hap të ri në karrierën e lojtarit, i cili do të vazhdojë të luajë në një nga kampionatet më të forta të Azisë. Klubi thekson se ky transferim përbën një mundësi të madhe për Ndrecën dhe një përvojë të re në arenën ndërkombëtare.
Egnatia i shpreh falenderimet e saj për të gjitha palët e përfshira në procesin e transferimit, duke vlerësuar bashkëpunimin dhe profesionalizmin e treguar. Ky transferim vjen në një kohë të favorshme për Ndrecën, i cili ka demonstruar aftësi të shkëlqyera në Shqipëri dhe tani do të ketë mundësinë të përballet me sfida të reja jashtë vendit.
