Alexis Von Yates, një infermjere 35-vjeçare nga Florida, është dënuar me dy vjet burg për abuzim seksual ndaj djalit të saj 15-vjeçar. Rasti u zbulua gjatë korrikut 2024, kur bashkëshorti i saj i gjeti ata të dy të zhveshur në divanin e shtëpisë.
Fillimisht, Von Yates kishte qenë e akuzuar për abuzim seksual ndaj një të mituri midis moshave 12 dhe 18 vjeç, por akuza u reduktua në kuadër të një marrëveshjeje pranimi fajësie për veprën penale të “aktit të pahijshëm dhe imoral” ndaj një të mituri.
Gjykata, përveç dënimit me burg, vendosi që pas përfundimit të dënimit, ajo do të jetë nën mbikëqyrje për dy vjet, do të regjistrohet në regjistrin e abuzuesve seksualë për dhjetë vjet dhe do t’i nënshtrohet 200 orëve shërbim komunitar. Gjithashtu, Von Yates do të duhet të paguajë gjoba dhe shpenzime gjyqësore.
Shtesë e dënimit është revokimi përjetësisht i licencës së saj për të ushtruar profesionin e infermieres, duke e privuar atë nga mundësia e punës në këtë fushë. Vendimi u miratua nga Bordet për Infermieri, ku ajo nuk kundërshtoi akuzat gjatë një seance administrative, gjë që çoi në heqjen përfundimtare të licencës disa muaj pas pezullimit të saj të përkohshëm.
Aktualisht, burri i Alexis ka kërkuar divorc në Gjykatën e Qarkut Marion, duke cituar ngjarjet që rezultuan me dënimin penal të saj. Kjo ngjarje ka shkaktuar reagime të forta në komunitetet e Floridës qendrore.
Prokurorët theksuan se arrihja e marrëveshjes për dënim të reduktuar ishte bërë për shkak të mbrojtjes mendore dhe emocionale të viktimës së mitur. Alexis Von Yates mbetet e ndaluar në një burg të Floridës, ndërsa pasojat e veprimeve të saj vazhdojnë të ndikojnë në jetën e saj, si në aspektin ligjor, ashtu dhe atë profesional dhe familjar.
