Pas katër vitesh pritje, HBO Max ka lansuar pamjet e para të sezonit të tretë të serialit të njohur “Euphoria”, i cili vazhdon pesë vite pas ngjarjeve të sezonit të dytë, me personazhe që shfaqen në ndyshime të dukshme.
Një nga personazhet kryesorë është Cassie, e portretizuar nga Sydney Sweeney, që në këtë sezon paraqitet si një cam girl dhe krijuese për platforma online si “OnlyFans”. Pamjet e publikuara e tregojnë Sweeney-n me dy veshje të ndryshme – një bikini me motive rozë e të bardha dhe një korse të vogël – duke e theksuar transformimin e saj në këtë dramë, e cila është e njohur për temat e saj të forta dhe stilin provokues.
Ky rol vjen pas interpretimeve të tjera të Sweeney-t, përfshirë rolin e saj si boksierja Christy Salters në filmin “Christy” dhe paraqitjen në filmin me sukses komercial “The Housemaid”. Gjatë muajve të fundit, ajo ka qenë në qendër të vëmendjes mediatike për aktivitetet e saj të shumta, përfshirë paraqitjet publike dhe projektet në televizion e kinematografi.
Sezoni i tretë i “Euphoria” pritet të bëhet një nga premierat më të ndjekura në HBO Max, duke nxjerrë në pah jo vetëm evoluimin e personazheve, por edhe përmbajtjet që prekin tema serioze të jetës moderne.
