Serie A ka përjetuar disa largime të rëndësishme gjatë merkatos së janarit, veçanërisht drejt Premier League. Transferimi më i fundit njihet si ai i Castellanos te West Ham. E përditshmja ‘La Gazzetta Dello Sport’ ka listuar 10 transferimet më të rëndësishme në dalje që kanë sjellë fitime për klubet italiane.
Ndër transferimet më të spikatura është ai i Emerson nga Roma te Chelsea në janar të vitit 2018, për 20 milionë euro, duke u bërë mbrojtësi më i shtrenjtë të atij sesioni. Një tjetër largim i rëndësishëm ishte ai i Marek Hamsik nga Napoli te Dalian Pro në vitin 2019, për 20 milionë euro, shënuar si fundi i një epoke për skuadrën napoletane.
Pellegri u transferua nga Genoa te Monaco për 21 milionë euro në fillim të 2018, por aventura e tij në Francë u prish nga dëmtimet. Atalanta shënoi një tjetër shitje të suksesshme me Amad Diallo, i cili kaloi te Manchester United për 21.3 milionë euro në vitin 2021, duke rritur vlerën e tij pas paraqitjeve në Kupën e Afrikës.
Piatek, i blerë nga Milani për 35 milionë euro, kaloi te Hertha Berlin për 24 milionë euro pas një fillimi të suksesshëm, ndërsa Elmas u transferua nga Napoli te Leipzig për 24 milionë euro. Në janarin e vitit 2024, Dragusin u transferua te Tottenham për 24 milionë euro, një tjetër humbje për Genoa.
Kiëor kaloi te Arsenali për 25 milionë euro në janar të vitit 2023, duke shënuar shitjen më të shtrenjtë në historinë e Spezias. Castellanos, gjithashtu, u transferua te West Ham për 30 milionë euro, duke u bërë shitja e dytë më e shtrenjtë në historinë e Serie A për klubet jashtë Italisë. Ai shënoi në debutimin e tij për West Ham, duke e nisur aventurën e tij mirë.
E fundit në këtë listë është Cuadrado, i cili u transferua nga Fiorentina te Chelsea për 31 milionë euro në vitin 2015, duke u bërë transferimi më i shtrenjtë për një klub italian, por nuk arriti të përmbushë pritshmëritë dhe kaloi pas vetëm gjashtë muajsh. Aktualisht, ai përpiqet të ndihmojë Pisan për të mbajtur vendin në Serie A.
