Mes të transferuarve si persona me rrezikshmëri të lartë, përfshihen Lulzim Berisha, Orges Molla dhe Juxhin Koka, të arrestuar gjatë operacioneve “Ura” dhe “Revansh”. Po ashtu, u transferuan edhe tre shtetas të huaj, dy brazilianë dhe një venezuelian. Ky transferim u realizua nën masa të larta sigurie, me mbështetje nga Policia e Shtetit.
Arsyeja për këtë vendim është arratia e Altin Ndocit nga Spitali i Durrësit, ndodhi dy ditë më parë. Burgu i Durrësit, i njohur si “burgu i VIP-ave”, tashmë është vënë në qendër të vëmendjes për shkak të kushteve dhe nivelit të sigurisë. Të dënuarit dhe personat në paraburgim janë rivlerësuar në lidhje me shkallën e rrezikshmërisë, ku ata që përbënin më shumë problematika u përzgjodhën për t’u sistemuar në Burgun e Peqinit.
