Vllaznia e ka nisur vitin e ri me një fitore të rëndësishme, duke e mundur Egnatian 1-0 në ndeshjen e javës së 19, zhvilluar në stadiumin “Loro Boriçi” të Shkodrës. Ndeshja ishte e rivalizuar, me të dy skuadrat që kërkuan të dominonin, por momenti vendimtar erdhi nga Sherif Kallaku. Ai shënoi me një gjuajtje të bukur në minutën e 30, duke i dhënë Vllaznisë avantazh të çmuar.
Pjesa e dytë e ndeshjes filloi me Egnatian që kishte një mundësi për barazim, kur goli i Buric u anulua për pozicion jashtë loje të Albanese. Në fund të takimit, Egnatia iu afrua barazimit me një goditje të Fernando, por portieri i Vllaznisë e ndali atë duke e dërguar topin në goditje këndi.
Me këtë fitore, Vllaznia arrin në 33 pikë, ndërsa Egnatia mbetet në krye të klasifikimit me 37 pikë.
