Ernest Muçi vazhdon të shkëlqejë me Trabzonspor në Turqi, ku në ndeshjen e fundit përballë Istanbulspor AS, shënoi dy gola dhe dha një asist, duke kontribuar në fitoren e madhe 1-6 të skuadrës së tij.
Sulmuesi i Kombëtares Shqiptare barazoi rezultatin në minutën e 41-të, duke treguar se largimi i tij nga Bsiktas ishte një vendim i gabuar. Pas golit të barazimit, Muçi nuk ndali aktivitetin e tij. Në pjesën e dytë të ndeshjes, ai dha një asist në minutën e 57-të dhe shënoi sërish në minutën e 61-të, duke regjistruar golin e tretë për Trabzonin, i cili më pas realizoi edhe tre gola të tjerë për të arritur rezultatin përfundimtar.
Kjo ndeshje ishte pjesë e javës së dytë të Kupës së Turqisë, ku Trabzonspor konkuron në Grupin A. Performanca e Muçit vazhdon të jetë një shtysë për ekipin, duke e vendosur atë në qendër të vëmendjes për fansat dhe mediat sportive.
