Një njoftim i rëndësishëm ka ardhur nga Milani në lidhje me merkaton e tij të transferimeve. Klubi kuqezi ka nënshkruar me talentin nga Superliga e Kosovës, Aron Babaj, i cili do të integrohet në skuadrën e të rinjve, Milan Futuro.
Marreveshja është bërë publike nëpërmjet një njoftimi zyrtar nga ana e Milanit, ku theksohej se 16-vjeçari nga Prishtina kishte nënshkruar kontratën me klubin. “NJOFTIM ZYRTAR: ARON BABA. Mesfushori 16-vjeçar ka nënshkruar me kuqezinjtë. AC Milan e njofton me kënaqësi transferimin e Aron Babaj që do t’i bashkohet Milan Futuro Project, një iniciativë e fokusuar në zhvillimin e talenteve të rinj,” shkruhej në komunikatën e klubit.
Aron Babaj, i lindur në vitin 2009, ka bërë një hap të rëndësishëm në karrierën e tij, duke kaluar nga ekipi i Prishtinës në Superligën e Kosovës në një nga klubet më të njohura në botë. Ky transferim përfaqëson një mundësi të madhe për të, duke i hapur dyert për një zhvillim më të madh në nivel ndërkombëtar.
Me këtë zhvillim, Milani vazhdon të tregojë angazhimin e tij për të investuar në talente të rinj dhe për të mbështetur rritjen e tyre në futboll, duke krijuar kështu një bazë të fortë për të ardhmen e klubit.
