E ardhmja e Ibrahima Konaté te Liverpool është në dyshim, pasi mbrojtësi francez pritet të largohet nga “Anfield” në përfundim të sezonit. Kontratën e tij aktuale e ka afër skadimit, dhe deri tani nuk janë arritur marrëveshje për rinovimin. Sipas gazetarit David Ornstein, negociatat nuk kanë avancuar, duke rritur mundësinë që ai të largohet si lojtar i lirë.
Situata në repartin defensiv shqetëson trajnerin Arne Slot, për shkak se kontratat e mbrojtësve të tjerë, Virgil van Dijk dhe Joe Gomez, gjithashtu skadojnë brenda një viti. Ky fakt e bën mbrojtjen një prioritet të nevojshëm në merkato, si për janarin ashtu edhe për verën e ardhshme.
Një nga lojtarët që Liverpool ka në shikim është Marc Guehi, mbrojtës i Crystal Palace. Reprezentuesi anglez do të jetë në dispozicion si lojtar i lirë këtë verë dhe konsiderohet një alternativë serioze për forcuar mbrojtjen e skuadrës. Merkatoja e ardhshme do të jetë vendimtare për rindërtimin e linjës së prapme të “The Reds”, në një periudhë tranzicioni të rëndësishëm për klubin.
