Ish-futbollisti francez Thierry Steimetz ka ndërruar jetë në moshën 42-vjeçare pas një beteje të gjatë me kancerin. Lajmi u publikua nga Unioni i Futbollistëve Profesionistë në Francë (UNFP) të dielën.
Steimetz, i lindur në Creutzwald, ka pasur një karrierë të konsiderueshme në futboll, duke luajtur në Francë, Luksemburg dhe Gjermani. Ai ka qenë pjesë e disa skuadrave të njohura, duke përfshirë Lens B dhe Metz, si dhe klubin luksemburgas F91 Dudelange. Gjatë karrierës, ai numëroi afro 200 paraqitje në nivele të ndryshme, duke u angazhuar edhe në fazat kualifikuese të Champions League dhe Europa League.
Në vitin 2017, Steimetz u detyrua të tërhiqej nga futbolli pas një operacioni për amputimin e një këmbë për shkak të një tumori malinj. Pas përfundimit të karrierës si futbollist, ai iu përkushtua trajnimet dhe menaxhimit në nivel amator në Francë.
UNFP e përshkroi Steimetz si një figurë të respetuar në futbollin e rajonit të Lorenës dhe Luksemburgut, duke shprehur ngushëllime për familjen dhe të afërmit e tij. Klubi i Metz gjithashtu shprehu ngushëllime, duke theksuar: “E gjithë familja e FC Metz shpreh ngushëllimet më të sinqerta për familjen dhe njerëzit e tij të dashur,” në reagimin e tij.
Vdekja e Steimetz shënon një humbje të madhe për komunitetin e futbollit, i cili e kujton kontributin e tij si lojtar dhe trajner.
