Një aksident fatal ajror ka ndodhur në Kolumbi, ku gjashtë persona kanë humbur jetën, mes tyre këngëtari i njohur Yeison Jiménez. Sipas autoriteteve kolumbiane të aviacionit civil, incidenti ndodhi menjëherë pas ngritjes së avionit nga Aeroporti Paipa në departamentin e Boyacá.
Mediat sociale kanë shpërndarë video që tregojnë aeroplanin duke tentuar ngjitjen në ajër, përpara se të rrëzohej me shpejtësi në një fushë përtej pistës, duke shpërthyer në flakë. Shkaku i rrëzimit mbetet i panjohur dhe aktualisht po hetohet, por dëshmitarët sugjerojnë se mund të ketë ndodhur një defekt në një nga dy motorët e avionit.
Mes viktimave ndodhen këngëtari 34-vjeçar Yeison Jiménez, piloti dhe katër anëtarë të stafit të tij. Ky aksident thellon shqetësimet lidhur me sigurinë e fluturimeve dhe do të vazhdojnë hetimet për të përcaktuar rrethanat që çuan në këtë tragjedi.
