Një autobus shkolle, që transportonte shtatë nxënës nga Cervaro, provinca e Frosinone në Itali, ka dalë jashtë kontrollit dhe u përmbys në një kthesë. Aksidenti dyshohet se është shkaktuar nga shpejtësia e lartë me të cilën po përshkonte kthesën.
Sipas raportimeve nga media, fëmijët e ndodhur në autobus u detyruan të dalin nga mjeti duke thyer xhamin e pasmë. Fatmirësisht, të gjithë ata janë në gjendje të mirë shëndetësore, megjithatë, janë të tronditur nga kjo ngjarje. Një nga nxënësit u dërgua në spital për një mavijosje të lehtë në kokë.
Autoritetet, përfshirë policinë, arritën shpejt në vendngjarje dhe aktualisht po kryejnë hetime për të zbardhur rrethanat dhe shkaqet e sakta të aksidentit. Sensibiliteti i situatës është i lartë, duke marrë parasysh se fëmijët ishin në autobus në momentin e ngjarjes.
