Ceremonia tradicionale e hedhjes së Kryqit në Gjirokastër nuk u zhvillua për herë të parë për shkak të kushteve të pafavorshme atmosferike. Moti i keq, me reshje dhe temperatura të ulëta, pengoi organizimin e këtij rituali të rëndësishëm për besimtarët ortodoksë.
Në Katedralen “Ngjallja e Krishtit” u mbajt vetëm mesha e shenjtë, e drejtuar nga At Emiljano Ligo, ku morën pjesë besimtarë të shumtë. Ata u lutën për shëndet, paqe dhe mbarësi, ndërsa ceremonia jashtë katedrales u anulua për arsye sigurie.
Megjithëse hedhja e Kryqit nuk u realizua, dita u përjetua me përkushtim nga komuniteti ortodoks i qytetit, i cili ruajti frymën shpirtërore të festës dhe rëndësinë e saj fetare.
