Shtëpia e Bardhë ka publikuar foto të presidentit amerikan, Donald Trump, në rezidencën e tij në Mar-a-Lago, gjatë operacionit “Absolute Resolve”, i cili përfshinte arrestimin e presidentit venezuelian, Nicolas Maduro.
Në fotot e shpërndara përmes llogarisë së Shtëpisë së Bardhë në X, Trump shfaqet i përqendruar përpara një ekrani që tregon aktivitetet e trupave amerikane. Afër tij gjenden Sekretari i Luftës, Pete Hegseth, dhe Sekretari i Departamentit të Shtetit, Marco Rubio.
Pas arrestimit të Maduros, në një konferencë për shtyp, presidenti Trump vlerësoi forcat amerikane për operacionin, të cilin ai e përshkroi si të përsosur dhe të saktë. Ai nënvizoi se forcat venezueliane ishin në gatishmëri, por nuk arritën të reagojnë efektivisht ndaj situatës.
