Ylber Ramadani do të vazhdojë karrierën e tij te Lecce në Serie A, ku është në sezonin e tij të tretë. Drejtori Teknik i klubit, Pantaleo Corvino, ka dhënë një përmbledhje të situatës kontraktuale të lojtarëve, duke përmendur edhe Ramadani, i cili ka kontratë deri në qershor të 2026. Corvino njoftoi se do të ushtrohet opsioni për rinovimin e kontratës për disa lojtarë, përfshirë Ramadanin, Gallon dhe Bandën.
Ky rinovim do të sigurojë që Ramadani të qëndrojë te Lecce të paktën deri në vitin 2027. Sidoqoftë, drejtuesit e klubit kanë në plan të takohen me lojtarin për të diskutuar një rinovim më afatgjatë, i cili do të jetë në varësi të miratimit nga trajneri Eusebio Di Francesco. Trajneri beson fuqishëm në potencialin e Ramadanit dhe e konsideron atë një element të rëndësishëm në skuadër.
Kështu, Lecce duket e angazhuar për të siguruar që Ramadani të vazhdojë të kontribuojë për skuadrën, duke e theksuar rolin e tij në skuadër për sezonet e ardhshme.
