Merkatoja e transferimeve e Romës po përjeton një moment intensifikimi. Ndërsa Joshua Zirkzee dhe Giacomo Raspadori janë dy objektiva kryesore, klubi po shqyrton edhe mundësi të tjera për forcimin e ekipit. Trajneri Gasperini ka shprehur nevojën për përforcime në repartin e avancuar dhe, përveç qendërsulmuesve, Roma po synon një sulmues krahu.
Sipas të përditshmes “Corriere Dello Sport”, emri i Federico Chiesa është shtuar në listën e transferimeve. Chiesa, i cili për momentin është në stol te Liverpool, dëshiron të provojë një aventurë të re për të rigjallëruar karrierën e tij. Kjo nuk është hera e parë që sulmuesi i 28-vjeçar përmendet për Romën; ai ishte target edhe në verën e vitit 2024, por zgjodhi Liverpoolin. Njohjet e tij me Massarën dhe Gasperinin sugjerojnë se mundësitë për një transferim po rriten.
Në zhvillimet e fundit, ka patur shumicë spekullacionesh për kthimin e Chiesës te Juventusi. Ai mund të transferohet në Itali në formë huazimi deri në fund të sezonit, duke shtyrë diskutimet për merkaton e verës. Kështu, Roma dhe Juventusi shihen si pretendentët kryesorë për shërbimet e tij. Trajnerët Gasperini dhe Spalletti do të mirëprisnin në skuadrat e tyre një nga simbolët e triumfit të Italisë në Euro 2020.
Po ashtu, Chiesa dëshiron të kthehet te kombëtarja italiane, dhe këto dy mundësi transferimi mund të ofrojnë një asist për të rikuperuar formën e tij. Në këtë mënyrë, merkatoja e Romës, me fokusin te Chiesa, pritet të ketë zhvillime të rëndësishme në ditët e ardhshme.
