Në festimet për ndërrimin e viteve në Fier, urgjenca e Spitalit Rajonal ka regjistruar një numër të lartë të rinjsh që janë paraqitur në gjendje të dehur. Sipas burimeve spitalore, 25 individë të moshës 20-30 vjeçare kanë kërkuar ndihmë mjekësore për simptoma intoksikacioni. Pas marjes së mjekimit, ata janë larguar nga spitali.
Gjithashtu, festimet janë shoqëruar me përdorimin e fishekzjarrëve, ku tre persona kanë pësuar lëndime të lehta. Pas marrjes së ndihmës së nevojshme, këta të rinj gjithashtu janë liruar nga spitali. Festimet e ndërrimit të viteve, në përgjithësi, kanë vijuar me atmosferë gëzimi, pavarësisht incidenteve të ndodhura.
