Dy makina u dogjën në Elbasan gjatë natës për shkak të fishekzjarrëve, ndërsa disa dhjetëra incidente të tjera me zjarre u regjistruan nga përdorimi i materialeve piroteknike. Një pemë dhe disa kontenierë mbetjesh gjithashtu u përfshinë nga flakët, por fatmirësisht nuk pati lëndime njerëzore.
Shërbimet e zjarrfikëses qenë të pozicionuara në gatishmëri në zona me popullatë të madhe, çka mundësoi një ndërhyrje të shpejtë në rast zjarresh. Një incident i veçantë ndodhi në Librazhd, ku një kabinë elektrike që furnizonte qytetin me energji u dogj për shkak të mbingarkesës, duke lënë qytetin për disa minuta në errësirë.
Në urgjencën e Elbasanit, u raportuan disa raste intoksikimi nga alkooli, por ato nuk ishin të rënda. Gjithashtu, në kirurgji, mjekët trajtuan disa persona me dëmtime të lehta shkaktuar nga fishekzjarrët.
Një aksident i rëndë ndodhi në aksin rrugor Peqin-Rrogozhinë, ku tre persona u plagosën. Sipas policisë, perplasja ka qenë e fortë dhe gjendja e të plagosurve është raportuar e rëndë.
Këto incidente përbëjnë një pasqyrë të situatës, ku përdorimi i materialeve piroteknike ka sjellë pasoja të ndryshme, megjithëse, për fat, bilanci i lëndimeve serioze është i ulët.
