Viti 2026 po afrohet me një kalendar të pasur ngjarjesh sportive që pritet të tërheqë vëmendjen e pasionantëve të sportit. Lojërat Olimpike Dimërore në Milano Cortina, që do të nisin më 6 shkurt me ceremoninë e hapjes në San Siro, do të jenë një nga ngjarjet më atraktive. Ky event do të përfshijë 16 disiplina sportive në 18 impiante dhe do të mbajë 3000 atletë nga 90 vende. Ceremonia e mbylljes është planifikuar për 22 shkurt. Pas tyre do të zhvillohen Lojërat Paralimipike Dimërore.
Një tjetër ngjarje që pritet me padurim është Kampionati Botëror i Futbollit, që do të mbahet në SHBA, Kanada dhe Meksikë nga 11 qershori deri më 19 korrik. Kjo do të jetë hera e parë që do të marrin pjesë 48 skuadra, duke luajtur gjithsej 104 ndeshje. Ndeshja hapëse do të jetë Meksika kundër Afrikës së Jugut në stadiumin Azteca, ndërsa finalja do të zhvillohet në Metlife Stadium të Neë Jersey.
Një tjetër event i rëndësishëm do të jenë Lojërat Mesdhetare që do të organizohen në Taranto nga 21 gushti deri më 3 shtator. Në këtë kompeticion do të marrin pjesë 4500 sportistë nga 26 vende në 30 disiplina sportive.
Në botën e tenisit, dyshja Alcaraz-Sinner pritet të dominojnë turnetë Grand Slam, duke filluar nga Australian Open dhe duke përfunduar me US Open, duke treguar rivalitetin e tyre.
Kalendarin e vitit 2026 e komplekson ndjeshëm Botërori i Basketbollit për vajza dhe Evropiani i volejbollit për djem e vajza. Formula 1 gjithashtu do të sjellë ndryshime të rëndësishme, me Lando Norris si pilotin për t’u mundur, ndërsa MotoGP do të ketë Marc Marquez, që do të tentojë të fitojë titullin e tij të dhjetë botëror.
Viti 2026 pritet të jetë një vit i jashtëzakonshëm për sportin, me një mori ngjarjesh për të kënaqur adhuruesit e sporteve të ndryshme.
