Një aksident me tre mjete ka ndodhur pasditen e sotme në aksin Lushnjë-Fier. Në ngjarje janë përfshirë dy automjete të markës “Audi” dhe një “Benz Mercedes”. Policia e qarkullimit ka arritur në vendngjarje për të disiplinuar trafikun, i cili është rënduar ndjeshëm pas përplasjes.
Automjeti “Benz” ka dalë nga roja dhe ka përfunduar në kanalin përgjatë autostradës. Sipas informacioneve të para, aksidenti ka rezultuar vetëm në dëme materiale, pa raportime të lëndimeve serioze.
Trafiku vazhdon të jetë i ngarkuar, megjithatë efektivët e policisë janë angazhuar për të përmirësuar situatën dhe për të dokumentuar ngjarjen.
