Shtetet e Bashkuara kanë premtuar një ndihmë prej 2 miliardë dollarësh për programet humanitare të Kombeve të Bashkuara, por kanë paralajmëruar se OKB-ja duhet të reformohet në mënyrë të qenësishme, në të kundërt, rrezikon të humbasë mbështetje financiare nga SHBA-të. Kjo deklaratë u bë nga Jeremy Lewin, Nënsekretar për Ndihmë të Jashtme në administratën e Presidentit Donald Trump, gjatë një konference për shtyp në Gjenevë, ku ai ishte i shoqëruar nga shefi i ndihmës emergjente të OKB-së, Tom Fletcher.
Lewin theksoi se OKB-ja duhet të “përshtatet ose të shpërbehet”, duke sugjeruar se SHBA-të nuk do të vazhdojnë të financojnë një sistem që ai e përshkroi si të një modeli të vjetruar. Ndërkohë, Tom Fletcher vlerësoi fonde të reja si një mënyrë për të shpëtuar “miliona jetë”, pavarësisht se shuma e vendosur përfaqëson vetëm një pjesë të vogël të kontributit tradicional amerikan, i cili për vitin 2022 arrin rreth 17 miliardë dollarë.
Ky financim i ri vjen me kushte të rrepta: ndihma do të përqendrohet vetëm në 17 vende, përfshirë Haitin, Sirinë dhe Sudanin, ndërsa vendet si Afganistani dhe Jemeni do të përjashtohen nga financimi. Lewin shpjegoi se SHBA-të kanë prova që fondet e OKB-së në Afganistan po devijohen nga talebanët, prandaj administrata Trump nuk do të lejojë që paratë e taksapaguesve amerikanë të përfundojnë në duar të grupeve terroriste.
Ky angazhim i SHBA-ve për ndihmë humanitare ka Të bëjë me një strategji më të zgjedhur dhe të fokusuar, e cila synon të ndihmojë ato vende që kanë nevojën më imperativ. Megjithatë, reforma në OKB është ose do të jetë çelësi i vazhdueshmërisë së kësaj mbështetjeje.
