Specialistët e Qarkullimit Rrugor në Elbasan kanë arrestuar në flagrancë O. B., një 31-vjeçar, për veprën penale “Shkelja e rregullave të qarkullimit rrugor”, që ka rezultuar me vdekjen e një personi. Ngjarja ka ndodhur sot rreth orës 13:30, në aksin rrugor “Qafë Thanë–Librazhd”, ku automjeti i drejtuar nga O. B. ka përplasur këmbësoren F. H., e cila ishte 64 vjeçe. Si pasojë e aksidentit, ajo ka humbur jetën.
Materialet e nevojshme procedurale janë referuar Prokurorisë për të vijuar me hetimet e mëtejshme.
