Christian Pulisic, ylli i kombëtares së SHBA-së dhe i AC Milanit, është në qendër të spekulimeve për një lidhje të mundshme me aktoren hollivudiane Sydney Sweeney. Këto thashetheme janë aktivizuar pas një postimi në Instagram që sugjeron se mes dy yjeve mund të ketë lindur një romancë. Edhe pse duket si një ngjarje e pabesueshme, lajmi ka gjetur jehonë në mediat italiane, përfshirë “Gazzetta dello Sport”, në një periudhë kur Pulisic është aktiv në Serie A.
Sydney Sweeney, e njohur për rolet e saj në “Euphoria” dhe “The White Lotus”, ishte në lidhje me producentin Jonathan Davino që nga viti 2018. Pas katër vjetësh fejesë, ata përfunduan lidhjen më këtë vit. Ndërkohë, Pulisic është lidhur në verën e vitit 2024 me golfisten Alexa Melton, dhe dyshja është shfaqur në postimet e njëri-tjetrit, duke lënë të kuptohet se vazhdojnë të jenë bashkë.
Mediat britanike raportuan se Sweeney ka pranuar një mori mesazhesh private nga futbollistë të njohur të Premier League, përfshirë lojtarë nga Manchester United, Liverpool dhe Arsenal, por ajo i ka refuzuar të gjitha afrimet. Aktorja aktualisht thuhet se po shijon jetën si beqare në SHBA, me një karrierë në kulmin e saj. Ajo ka luajtur së fundmi në filmin “Christy” dhe pret publikimin e “The Housemaid” në fund të dhjetorit. Sezoni i tretë i “Euphoria” pritet të dalë në prill, ndërsa vitin e ardhshëm do të shfaqet në “The Devil Wears Prada 2”.
As Pulisic dhe as Sweeney nuk kanë dhënë ndonjë reagim publik ndaj këtyre spekulimeve, duke lënë gjithçka në kuadrin e thashethemeve të rrjeteve sociale. Kjo situatë ka nxitur interesimin e mediave dhe fansave për të mësuar më shumë rreth jetës private të të dyve, ndërsa ata vazhdojnë të ndjekin karrierat e tyre në sport dhe art.
