Katër anëtarë të një familjeje u gjetën të pajetë në Lihtenshtejn, në prag të Krishtlindjeve, duke tronditur autoritetet dhe komunitetin lokal. Policia bëri të ditur se trupat e dy burrave dhe dy grave, të dyshuar se i përkisnin të njëjtës familje nga ky principatë alpin, u zbuluan të mërkurën.
Rreth orës 10:30, trupi i një burri 41-vjeçar u gjet në anën zvicerane të lumit Rin, pranë kryeqytetit Vaduz. Shkaku i vdekjes së tij ende nuk është sqaruar, sipas autoriteteve zvicerane. Hetimet e mëtejshme çuan policinë në një apartament në Vaduz, ku u gjetën trupat e një burri 73-vjeçar dhe dy grave, të moshës 68 dhe 45 vjeç.
Sipas informacioneve paraprake, tre viktimat ishin prindërit dhe motra e burrit 41-vjeçar. Një zëdhënës i policisë së Lihtenshtajnit konfirmoi se shkaqet e vdekjes po hetohen ende. Departamenti i Hetimeve Penale të Policisë Shtetërore ka angazhuar një numër të rëndësishëm oficerësh për të zbardhur këtë rast të rëndë.
Ky incident ka shkaktuar tronditje në komunitetin e vogël të Lihtenshtajnit, ku ngjarje të tilla janë të rara. Hetimet po vazhdojnë për të sqaruar rrethanat që çuan në këtë tragjedi, e cila ka lindur shumë shqetësime dhe pytje tek banorët. Autoritetet janë angazhuar të ofrojnë më shumë informacion teksa situata zhvillohet.
