Tre punonjës të Bashkisë së Vlorës janë pezulluar nga detyra më 19 dhjetor 2025, për shkak të dyshimeve se kishin abuzuar me karburantin nga mjetet e punës në Pikën e Grumbullimit të Mbetjeve. Po ashtu, ndaj një efektivi të Policisë Bashkiake ka nisur një procedim disiplinor.
Ngjarja ka filluar kur punonjësi I.Dh. i Policisë Bashkiake ka informuar Përgjegjësin e Sektorit E.V. për një incident të dyshimtë. Një shofer i një kamioni ushtarak, i angazhuar për pastrimin e rrjetit të kanalizimeve, kishte vënë re shenja që sugjeronin se mund të ishte marrë karburant nga mjeti. Pas këtij njoftimi, Përgjegjësi i Sektorit dhe efektivi P.M. janë paraqitur në Pikën e Grumbullimit dhe kanë kërkuar pamjet e kamerave të sigurisë.
Hetimi ka zbuluar se kamera në zonë ishte spostuar qëllimisht, dhe një situatë e ngjashme ishte konstatuar edhe në një tjetër moment kohor. Gjatë asaj periudhe, efekti M.J. ishte në shërbim. Ai ka raportuar se kamerat ishin lëvizur për kërkesën e dy punonjësve të ndërmarrjes së pastrimit, të identifikuar me inicialet A.B. dhe B.H., të cilët kishin kërkuar zhvendosjen e kamerave për të furnizuar me naftë automjetin e tyre.
Si pasojë e këtyre zhvillimeve, Policia Bashkiake ka filluar një procedim disiplinor ndaj efektivit M.J. për shkelje të detyrës, ndërsa hetimet administrative vazhdojnë për të zbardhur gjithçka që ka ndodhur. Megjithatë, pas pezullimit, punonjësit e përfshirë kanë shprehur dëshirën për t’u rikthyer në punë.
