Njoftim nga DVP Shkodër për operacionin “Neonët 4”
Strukturat e DVP Shkodër kanë realizuar një sërë operimesh të suksesshme për të luftuar kultivimin e bimëve narkotike, duke finalizuar fazën e katërt të operacionit të koduar “Neonët 4”. Gjatë këtij operacioni janë zbuluar dhe goditur gjithsej 7 ambiente të përshtatura për kultivimin e kanabisit, kryesisht në Velipojë.
Në një rast të veçantë, një 22-vjeçar nga Vau i Dejës u arrestua në flagrancë pasi kishte marrë me qira një banesë për këtë aktivitet të paligjshëm. Po ashtu, u ndalua një punonjës i OSHEE-së dhe u proceduan penalisht dy punonjës të tjerë për shpërdorim detyre në bashkëpunim.
Gjatë kontrolleve, policia sekuestruan 300 bimë kanabis, një sasi tjetër të kësaj substance, 125 pajisje elektrike të përdorura për kultivim, 4 celularë dhe një përforcues grushti. Operacioni përfshiu kontrolle intensive në ambjente të mbyllura, duke u mbështetur nga agjencitë përkatëse dhe Forcat e Ndërhyrjes së Shpejtë.
Së bashku me arrestimin e 22-vjeçarit, u ndalua edhe një tjetër shtetas 25-vjeçar nga Shkodra, ndërsa janë filluar procedime penale për dy persona të tjerë nga Velipoja, 50 dhe 59 vjeç, për shpërdorim detyre.
Në një kontroll të veçantë në Velipojë, u gjetën gjithsej 308 bimë të dyshuara kanabis, 85 gram kanabis të tharë, dhe 122 pajisje elektrike për kultivimin e bimëve narkotike. Një kontroll i mëtejshëm në banesën e shtetasit Robert Vata zbuloi 3 llamba dhe një përforcues grushti.
Autoritetet vazhdojnë punën për dokumentimin e plotë të këtyre aktiviteteve kriminale, dhe materialet procedurale janë dorëzuar në Prokurorinë e Shkodrës për veprime të mëtejshme.
