Një punonjës i Pallatit Élysée në Paris është arrestuar për dyshimin se ka vjedhur enë zyrtare të presidentit francez, përfshirë pjata dhe gota. Sipas policisë, ai ishte përgjegjës për ruajtjen e këtyre sendeve dhe, në një periudhë, i merrte gradualisht duke i shitur në internet, kryesisht përmes platformës “Vinted”. Vlera totale e sendeve të vjedhura arrin deri në 40 mijë euro.
Pjesa e hetimeve përfshiu një kontroll në shtëpinë, makinën dhe dollapin e punonjësit, ku policia zbuloi rreth 100 objekte të vjedhura, duke përfshirë porcelan shtetëror dhe enë luksoze, të cilat zakonisht nuk jane në dispozicion për publikun.
Përveç tij, janë arrestuar edhe dy persona të tjerë, të cilët dyshohet se e kanë ndihmuar në procesin e shitjes së sendeve në internet. Të tre ata u paraqitën në gjykatë më 18 dhjetor dhe janë caktuar për gjykim në datën 26 shkurt. Në pritje të procesit gjyqësor, atyre u është ndaluar që të punojnë dhe të shesin sende në ankande.
Njëherazi, sendet e vjedhura janë kthyer në Pallatin Élysée, duke theksuar rëndësinë e sigurisë dhe integritetit të objekteve zyrtare.
