Një 35-vjeçare është arrestuar nga policia e Mirditës pasi u kap e armatosur gjatë një operacioni të koduar “Kryqëzimi”. Ajo u ndalua në afërsi të kryqëzimit të Kthellës, në hyrje të qytetit të Rrëshenit, pas informacioneve se po qarkullonte me armë zjarri.
Gjatë kontrollit të automjetit tip “Golf”, policia gjeti dhe sekuestroi një pistoletë, një krehër dhe municion luftarak. Shtetasja J. B., e cila jeton në Rrëshen, u arrestua në flagrancë për “Mbajtjen pa leje dhe prodhimin e armëve, armëve shpërthyese dhe municionit”.
Operacioni u zhvillua si pjesë e përpjekjeve të policisë për të goditur rastet e armëmbajtjes pa leje. Materialet procedurale u dorëzuan Prokurorisë së Lezhës për veprime të mëtejshme.
