Ish-mbrojtësi i Milanit dhe Chelseat, Thiago Silva, ka nënshkruar zyrtarisht me Porton, duke mbyllur mundësitë e rikthimit te klubet e tij të mëparshme. Në moshën 41-vjeçare, Silva është i vendosur për të marrë pjesë në Kupën e Botës 2026 dhe shprehet optimist se mund të bindë trajnerin e Brazilit, Carlo Ancelotti, për të qenë pjesë e skuadrës, nëse aktivizohet në një klub të kampionatet europiane.
Për këtë arsye, ai ishte i gatshëm të përfundonte kontratën me Fluminense dhe kishte përfolur rikthimin te klubet si Milani ose Chelsea. Megjithatë, asnjëra prej tyre nuk e ndoqi seriozisht këtë ide, dhe tani këto spekulime janë mbyllur me firmosjen e kontratës me Porton. Ky transferim përbën një rikthim të veçantë për Silva, pasi ai kishte qenë pjesë e Portos për gjashtë muaj në vitin 2005.
Zyrtarizimi i transferimit u bë në mënyrë interesante në platformën X, përmes një videoje ku shfaqej eksperti i merkatos, Fabrizio Romano. Silva u shfaq me fanellën e Portos dhe shprehu kënaqësinë dhe nderin për këtë mundësi. Ai gjithashtu falenderoi trajnerin Francesco Farioli, që është në krye të Portos për këtë sezon. Kontrata e Thiago Silvës është e vlefshme deri në qershor 2026, me mundësi zgjatjeje deri në qershor 2027.
Ky hap i ri i karrierës së tij shpërfaq angazhimin e tij për të vazhduar në lëvizjen e futbollit në nivelin më të lartë dhe për të ndihmuar ekipin e tij të ri në garat e ardhshme.
