Flamurtari dhe Teuta ndanë pikët në një përballje të tensionuar në javën e 17-të të Superiores, e cila përfundoi me barazim 2-2. Ndeshja u zhvillua në Vlorë, por përfundoi pa një fitues, me secilën skuadër që u kënaq me nga një pikë.
Durrsakët e Teutës kaluan të parët në avantazh me golin e Boçit në minutën e 22’. Gjatë pjesës së dytë, ndeshja u ndërpre për 20 minuta për shkak të dhunës që shpërtheu në fushë dhe u përhap edhe midis tifozëve. Pas rivënies në lojë, Flamurtari barazoi me anë të Chantakias në minutën e 78’.
Kur duket se ndeshja do të mbyllej me barazim, Oshafi realizoi golin e përmbysjes për Flamurtarin në minutën e 90’. Megjithatë, tensionet e ndeshjes nuk ishin të mbyllura, pasi në minutën e 7 shtesë, Jazxhi, i cili kishte hyrë nga stoli, shënoi për Teutën, duke siguruar një pikë për durrsakët.
Pas këtij rezultati, Teuta renditet e pesta me 25 pikë, ndërsa Flamurtari mbetet në vendin e 9-të me 14 pikë.
REZULTATI:
Flamurtari 2-2 Teuta
Chantakias 78’, Oshafi 90’ / Boçi 22’, Jazxhi 90+5’
