Një aksident automobilistik ka ndodhur pasditen e sotme në aksin Fier-Berati, pranë fshatit Velmish. Një automjet tip “Benz” me drejtues Josif Shkëmbe është përplasur me një mjet bujqësor tip Zetor. Si pasojë e këtij incidenti, drejtuesi i mjetit bujqësor, Ani Hazizi, ka mbetur i lënduar. Ai është transportuar menjëherë drejt qendrës shëndetësore të Roskovecit, ku ka marrë ndihmën e parë mjekësore. Fatmirësisht, Hazizi ndodhet jashtë rrezikut për jetën.
Në vendngjarje kanë mbërritur shërbimet e policisë, si dhe grupi hetimor, për të përcaktuar shkaqet e aksidentit dhe për të disiplinuar trafikun. Ky aks është njohur si një nga pikën e rrezikshme për aksidentet, ku shumë ngjarje të ngjashme kanë ndodhur në të shkuarën dhe jo të rralla janë rastet me pasoja fatale.
