Shqipëria ka një nivel të lartë aksesit në internet dhe celularë, krahasuar me vendet e tjera të rajonit, megjithatë, përfshirja financiare mbetet e ulët. Sipas raportit Global Findex 2025 nga Banka Botërore, ecuria e digjitalizimit në vend është e ngadaltë, pasi më pak se gjysma e të rriturve kanë një llogari bankare.
Një hendek i dukshëm ekziston midis aksesit digjital dhe përdorimit të shërbimeve financiare, duke nxjerrë në pah një potencial të pashfrytëzuar për pagesa elektronike, banking online dhe shërbime fintech. Sektori bankar po ndërmerr iniciativa për të promovuar pagesat pa para fizike, por ekspertët paralajmërojnë se kjo mund të sjellë kosto shtesë për qytetarët.
Banka Botërore sugjeron se Shqipëria ka infrastrukturën teknologjike të nevojshme për të avancuar më tej, por duhet të punojë për të zgjeruar përdorimin e pagesave digjitale. Ajo kërkon rritjen e aksesit dhe besimit në banka, si dhe stimulimin e përfshirjes financiare, veçanërisht për grupet me të ardhura të ulëta dhe ata jashtë tregut formal. Këto hapa janë thelbësorë për të adresuar hendekun mes aksesit dhe përdorimit të shërbimeve financiare në vend.
