Pas një hetimi gjashtëmujor, autoritetet italiane zbardhën vrasjen e Fatos Cenajt, 58-vjeçar shqiptar, i cili u ekzekutua me një plumb në kokë më 8 qershor në Fontanaviva, provinca e Padovës. Trupi i tij, ish-roje burgu, u gjet në një rrugë rurale, pranë banesës së tij.
Arrestimi i fqinjin të tij, 45-vjeçarit Moreno Violetto, u kriua më 13 dhjetor, pas një hetimi të detajuar nga Policia e Padovës dhe karabinierët e Cittadella-s, në bashkëpunim me njësinë speciale RIS të Parmës. Violetto akuzohet për vrasje, dhe hetuesit e identifikuan atë përmes pamjeve filmike. Në video, një çiklist i veshur me helmetë, syze dielli dhe maskë respiratore dukej në mënyrë të pazakontë për një ditë vere.
Sipas hetimeve, Violetto kishte blerë bojë që do të ndryshonte ngjyrën e biçikletës, si dhe materiale për prodhimin artizanal të armëve dhe municioneve. Gjatë kontrollit në korrik, autoritetet sekuestruan biçikletën e tij dhe në një magazinë pranë shtëpisë së të dyshuarit, u gjetën plumba të prodhuar në shtëpi, disa prej të cilëve ishin përdorur më parë për prova.
Ekspertët e RIS konfirmuan përputhshmërinë mes mbetjeve të armës që goditi Cenajn dhe gjurmëve të gjetura në biçikletën e Violetto. Fatos Cenaj kishte një të kaluar të pastër dhe kishte shërbyer në policinë e burgjeve në Shqipëri përpara se të transferohej në Itali për të bashkuar me familjen e tij.
Marrëdhëniet me Violetto përshkruheshin si të tensionuara, por të kufizuara në debate të vogla. Tani, 45-vjeçari ndodhet në burgun “Due Palazzi” dhe përballet me akuzën e vrasjes së rëndë.
