Një aeroplan me një motor ka pësuar rrëzim gjatë një uljeje emergjente në Neckarauer Straße në Mannheim, Gjermani. Mësohet nga gazeta “Mannheimer Morgen” se gjatë uljes, aeroplani kaloi mes dy makinave të parkuara dhe ndali në mes të rrugës, duke pësuar dëme të konsiderueshme.
Aeroplani transportonte tre persona: dy burra dhe një grua. Piloti 23-vjeçar ka marrë lëndime të rënda, ndërsa dy pasagjerët, një burrë 37-vjeçar dhe shoqëruesi 23-vjeçar i tij, pësuan lëndime më të lehta. Të tre arritën të dilnin vetë nga aeroplani dhe u dërguan në spitalet e zonës për trajtim.
Pamjet që qarkullojnë në mediat sociale tregojnë se aeroplani është shkatërruar pothuajse plotësisht. Forcat e Departamentit të Zjarrfikësve, Policia dhe ekipet e shpëtimit mbërritën shpejt në vendin e aksidentit për të siguruar zonën dhe për të ndihmuar personat e lënduar.
Sipas Policisë, po shqyrtohet mundësia e një defekti të motorit si shkak i uljes së detyruar. Dëmi i shkaktuar në aeroplan është vlerësuar në rreth 400,000 euro, dhe aeroplani është tërhequr nga rruga. Autoritetet janë angazhuar në një hetim për të përcaktuar shkaqet e saktë të këtij aksidenti.
