Një ngjarje dramatike ka ndodhur në Milano, ku një 84-vjeçar u bllokua me makinën e tij në një garazh parkimi, duke mbetur i varur rreth 8 metra mbi tokë. Sipas raportimeve lokale, drejtuesi humbi kontrollin, fillimisht përplasje me një mur xhami dhe pastaj me një dritare të katit të parë.
Zjarrfikësit arritën me shpejtësi në vendngjarje, duke e nxjerrë të moshuarin, i cili, fatmirësisht, kishte shpëtuar pa lëndime serioze, por ndodhej në gjendje shoku. Autoritetet siguruan zonën dhe bllokuan hyrjen në garazh për të parandaluar rreziqe të tjera. Pamjet e makinës së varur në ajër u shpërndanë gjerësisht në rrjetet sociale, duke shkaktuar habi për mënyrën se si mjeti mbeti i qëndrueshëm pa u rrëzuar.
Hetimet për incidentin vijojnë, me qëllim të përcaktimit të shkaqeve të saktë, përfshirë mundësinë e ndonjë problemi teknik ose një gabimi të thjeshtë nga ana e drejtuesit.
