Tensionet pas ndeshjes së Champions League mes Athletic Bilbaos dhe PSG-së, e cila përfundoi pa gola, arritën kulmin gjatë natës. Autobusi i skuadrës franceze, që ishte i parkuar përpara hotelit ku qëndronin lojtarët dhe stafi, u sulmua nga një grup tifozësh vendas, të cilët goditën me gure. Si rezultat, autobusi pësoi dëmtime të dukshme në xhamat dhe pjesë të tjera, duke e bërë të pamundur përdorimin e tij. PSG u detyrua të gjejë një alternativë për transportin e lojtarëve për t’u larguar në kushte sigurie.
Autoritetet lokale kanë nisur hetimet për të identifikuar autorët e këtij sulmi, dhe klubi francez ndodhet në procesin e përgatitjes së një ankese zyrtare pranë UEFA-s për incidentin, i cili ka nxitur dhe më shumë tensione pas ndeshjes që u zhvillua në “San Mamés”.
Sipas mediave lokale spanjolle, në lidhje me këtë incident janë arrestuar dy persona. Ky akt dhune ka krijuar shqetësim në radhët e autoriteteve dhe klubeve, duke theksuar nevojën për një mjedis më të sigurt për sportin.
