Real Madrid ka marrë vendimet për sanksionet e futbollistëve pas ndeshjes ndaj Celta Vigo. Alvaro Carreras është ndëshkuar më rëndë me dy ndeshje pezullim, ndërsa Fran Garcia do të mungojë për një ndeshje pas kartonit të kuq.
Përveç Carreras dhe Garcias, edhe dy lojtari të tjerë, Endrick dhe Dani Carvajal, janë ndëshkuar me nga dy ndeshje pezullim. Sanksionet erdhën pas raportit të arbitrave, ku Carreras u dënua për sjellje përbaltëse ndaj arbitrit Quintero Gonzales, duke i thënë: “Je shumë i keq”, pas marrjes së kartonit të dytë të verdhë. Kështu, ai do të humbasë ndeshjet kundër Alaves dhe Sevillas, e planifikuar për 20 dhjetor.
Fran Garcia, nga ana tjetër, u ndëshkua me pezullim të një ndeshjeje për dy kartonët e verdhë të marrë gjatë lojës, në raportin e arbitrave.
Endrick gjithashtu u ndëshkua me dy ndeshje skualifikimi për protestat e tij ndaj arbitrit, duke bërtitur dhe duke u përpjekur të mos kthehej në pankinë pas ndëshkimit. Ky dënim ndikon në strategjinë e Xabi Alonsos, që tashmë përballet me mungesat e rëndësishme.
Carvajal, megjithëse është në proces rikuperimi, u ndëshkua për një koment të tij ndaj arbitrit, duke theksuar: “Niveli që jep dhe pastaj qan në konferencë për shtyp”, një deklaratë që u përfshi në raportin e gjyqtarit. Edhe pse klubi priste vetëm një gjobë, Carvajal do të mungojë në të dyja ndeshjet e ardhshme.
Këto hapësira të lëna nga futbollistët për shkak të pezullimeve do të ndikojnë në formacionin dhe ndjeshmërinë strategjike të skuadrës, e cila do të përpiqet të zëvendësojë mungesat e lojtarëve kyç në takimet e ardhshme.
