Një rast tragjik ka ndodhur në juglindje të Londrës, ku një 26-vjeçar u shpall fajtor për vrasjen e të dashurës së tij, Zhe Wang, 31 vjeçe. Ngjarja erdhi si rezultat i një grindjeje të ashpër për marrëdhënie seksuale, e cila u përshkallëzua në dhunë fatale.
Zhe Wang u gjet e vdekur në dhomën e saj të gjumit, e mbuluar nga gjaku, ndërsa i dashuri, Michals, telefonoi shërbimet e emergjencës duke raportuar për një incident me thikë. Çifti kishte pasur një lidhje gjashtë mujor, por kishin hasur vështirësi në jetën e tyre intime për shkak të standardeve të larta të pastërtisë që Wang kishte. Ajo, e cilësuar si “mikrofobe”, e akuzoi Michals për shkaktimin e një infeksioni, dhe shprehu dëshirën për të bërë teste të tjera mjekësore, duke thënë se “do të preferonte të vdiste sesa të merrte një infeksion”.
Në ditën e ngjarjes, Michals shkoi në apartamentin e Wang për ta qetësuar, duke i sjellë ushqim. Megjithatë, pas një përleshjeje, ai pretendon se ajo e sulmoi me thikë, dhe se ai veproi në vetëmbrojtje. Por hetimet treguan se ai kishte goditur Wang dy herë me thikë në fytyrë dhe e kishte mbytur. Pas ngjarjes, ai largohet nga apartamenti dhe fsheh provat, përfshirë thikën dhe celularin e viktimës, duke telefonuar ambulancën shumë orë më vonë pas bisedës me të atin.
Ekspertët mjekoligjorë konfirmuan se Wang kishte qenë gjallë 30 deri në 60 minuta pas sulmit. Michals mohoi akuzën e vrasjes, duke thënë se veproi në panik. Megjithatë, gjykata hodhi poshtë mbrojtjen e tij dhe juria e shpalli fajtor. Prokurorja Henrietta Paget e përshkroi rastin si “një sulm brutal dhe të egër ndaj një gruaje të re”.
Wang, një studente në master në Shkrim Kreativ dhe Edukim në Goldsmiths, kishte aspirata të bëhej mësuese dhe të vazhdonte me doktoraturën. Ajo u përshkrua nga pedagogët si e qetë, të organizuar dhe të përkushtuar.
