Bayerni i Mynihut ka vazhduar dominimin në Bundesligë me një fitore të madhe 5-0 ndaj Stuttgartit në fushën e këtij të fundit. Ky triumf forcon pozitat e ekipit bavarez në krye të klasifikimit.
Goli i parë erdhi shpejt, pas vetëm 11 minutash lojë, nga Laimer, i cili shënoi pas një kombinimi me Olise. Stuttgart u përpoq të barazonte në minutën e 40, por goli i Nartey u anulua për pozicion jashtë loje. Pjesa e parë përfundoi me rezultatin 1-0 në favor të Bayernit.
Në pjesën e dytë, ngjarjet u shkallëzuan me Harry Kane, i cili shënoi një tregolësh në minutat 66, 82 dhe 88, përfshirë një gol nga penalltia. Mes këtyre golave, Stanisic kontribuoi gjithashtu me një gol në minutën e 78, duke përfunduar ndeshjen me rezultatin përfundimtar 5-0. Me këtë fitore, Bayerni ngjitet në kuotën e 37 pikëve, ndërsa Stuttgart mbetet me 22 pikë.
Në ndeshjet e tjera të Bundesligës, Bayer Leverkusen pësoi një humbje surprizë 2-0 në fushën e Augsburgut, ndërsa Këlni e mbylli ndeshjen me St. Paulin në një barazim 1-1. Heidenheim fitoi përballë Freiburg me rezultatin 2-1, dhe Wolfsburgu mundi Union Berlin 3-1.
